خسرت ثقة زوجي بسبب غشاء بكارتي
انا امرأة متزوجة عندي 22 سنة تزوجت 1 شهر دبا ولكن اول علاقة جنسية لينا كانت منذ ما يقارب 10 ايام فقط بحكم يلا سكننا مع بعضياتناف اول اتصال جنسي لينا ما خرج مني لا دم لا والو الشيء لي خلاني نتحرج قدامو مع العلم انني عمري ما درت شي علاقة جنسية او شي حاجة خارج شرع الله*حسيت بيه تصدم و يمكن فقد الثقة فيا و ف ثاني و ثالث اتصال جنسي كذلك ما خرج لا دم لا والو مع العلم انني ف الاتصالات الجنسية الثلاث كنحس بألم فضيع ف ديك المنطقةدازت يومين سولني واش ف نظرك عادي ما يخرجش ليك الدم صدمني ديك الساعة يعني انه شك فيا و منين سولتو واش شك ف العذرية ديالي قالي لا انا كنثيق فيك غير سولتك و لكن هدرتو كتقول العكس و مرا مرا كيقولي شي هدرة كتبين الشك ديالوللاضافة فقط ما عمرني ما مشيت لا لطبيب لا والو باش نعرف نوع البكارة دياليانا دبا حايرة و كنمرض منين كنشوف الشك ف عينين الزوج ديالي مبقاش كيجيني النعاس و اللهعفاكوم عونوني و عطيوني فكرة على النوع ديال البكرة ديالي و علاش ما خرجش لي الدم ؟ واش هدشي عادي ؟؟ شكرا بزاف و سمحولي لي لا طولت عليكم.